Friday, January 29, 2010

बादली (राजस्थानी कविता )



 भातो लेकर मै चलीजी ढोळा        
                              कोई घिर आई घटा घनघोर जी                                        
                                 बरसण लागी भंवरजी बादळी जी                                             
                           
 उमड़-घुमड़ बादल गरजे ढोळा         
  कोई बिजली चमके जोर जी     
  बरसण लागी भंवरजी बादळी जी             
                                                             
        बिरखा माँई भीजगी जी ढोळा               
                                      मिल्यो न थारो खेत जी                                  
                              बरसण लागी भंवरजी बादळी जी                                         

 ऊँचे मंगरे चढ़ देखती गौरी  
    दीखतो अलबेळो छैल जी  
बरसण लागी भंवरजी बादळी जी       

तीन कोस ढोला चल के आई 
   कोई काँटा गडग्या चार जी 
बरसण लागी भंवरजी बादळी जी       

पगल्या तो राखो गौरी म्हारी गोद में         
   काँटा तो काढां थारा चार जी   
बरसण लागी भंवरजी बादळी जी       

                     कांई तो बीज्यो खेत में जी ढोळा                             
            कांई तो बीज्यो मगंरा मांय जी                
बरसण लागी भंवरजी बादळी जी       

           आंथूना खेतां मे बीजी बाजरी गौरी                   
         ऊँचा मंगरां में बोई मै ज्वार जी             
   बरसण लागी भंवरजी बादळी जी।        




फरीदाबाद
२९ जनवरी २०१०

(यह कविता "कुमकुम के छींटे" नामक पुस्तक में प्रकाशित है )